Mae Beacons Cymru yn falch iawn o gyhoeddi cyfle cyffrous i gerddorion sesiwn a chynhyrchwyr y dyfodol trwy Gymru i fynd gydag artistiaid o Brosiect Forté  mewn cydweithrediad gyda PPL Giving. Ym mis Gorffennaf 2025, bydd tri artist unigol yn cael cwmni detholiad o gerddorion sesiwn a chynhyrchwyr i drefnu a recordio trac mewn stiwdio broffesiynol.

​

A’i dyma’r cyfle i chi? 
Ni'n edrych am:

• 9 cerddor sesiwn 

• 3 cynhyrchydd

i fynd gyda 3 artist unigol o deulu presennol Forté. Ar y cyd ag artist, byddwch yn cydweithio i drefnu, ymarfer, a recordio trac mewn stiwdio recordio broffesiynol.

​

Am bwy ydyn ni’n edrych?
Rydym yn chwilio am ddarpar gerddorion sesiwn a chynhyrchwyr sydd wedi'u lleoli ledled Cymru. Mae gennym ddiddordeb mewn gweithio gyda, ond heb fod yn gyfyngedig i:

• Drymwyr

• Offerynnau llinynnol

• Offerynnau allweddellau

• Offerynnau pres

• Baswyr

• Gitaryddion 

• Cantorion cefndir

• Cynhyrchwyr mewn unrhyw genre

• Unrhyw offeryn arall

 

Pa gyfleoedd gewch chi?

• Cyfle cyflogedig (ar gyfer gwaith sesiwn a/neu waith cynhyrchu)

• Gweithdai a dosbarthiadau meistr defnyddiol mewn gwaith sesiwn, recordio, cynhyrchu ar gyfer artistiaid a busnes cerddoriaeth

• Sesiwn ar-lein ar PPL gyda chanllawiau ar sut i gofrestru

• Sgil proffesiynol a chyfle i ddatblygu rhwydwaith

• Trac llawn wedi'i gynhyrchu a'i ryddhau trwy label Beacons Cymru gyda'ch enw yn y credydau

• Costau teithio wedi'u had-dalu

 

Cymwysterau:

• 18+ oed

• Wedi'i leoli yng Nghymru

• Bod â lle ac argaeledd ar gyfer ymarferion a recordio ym mis Mehefin a mis Gorffennaf 2025 (ar gyfer cerddorion sesiwn)

• Bod â chapasiti ac argaeledd ar gyfer cynhyrchu, cymysgu a meistroli gwaith ym mis Gorffennaf ac Awst 2025 (ar gyfer cynhyrchwyr)

 

Dyddiad cau:
23:59, 11eg o Fai 2025.

​

Tâl yn seiliedig ar gyfraddau'r Musicians Union.

​

PWYSIG: Mi fydd angen recordiad sain neu fideo o'ch perfformiad / gwaith er mwyn i ni allu prosesu'ch cais. Atodwch fel dolen breifat YouTube / Soundcloud yn y maes gofynnol isod.

Mwy o wybodaeth am PPL:

PPL yw cwmni trwyddedu cerddoriaeth y DU ar gyfer dros 140,000 o berfformwyr a deiliaid hawliau recordio. Mae PPL yn casglu ac yn dosbarthu arian ar ran perfformwyr a chwmnïau recordio at ddefnydd eu cerddoriaeth wedi'i recordio. Mae aelodaeth PPL am ddim ac yn gyfle gwych i gerddorion sesiwn gael eu talu am eu gwaith perfformio.

​

Mwy o wybodaeth am Brosiect Forté:

Mae Forté Project yn gynllun datblygu artistiaid unigryw sydd wedi helpu’n llwyddiannus i ffeindio a chefnogi cerddoriaeth newydd gyffrous sy’n dod i’r amlwg o Gymru. Ers ei sefydlu yn 2015, mae’r cynllun datblygu artistiaid blynyddol arloesol hwn wedi creu model cynhwysfawr i rymuso a chodi 10 act gerddorol ifanc mewn moment hollbwysig yn eu gyrfaoedd.

​

​

​

​

​