AMDANOM NI

Mae Beacons Cymru yn cychwyn ar bennod newydd gyffrous.

Croeso i'r gartref sy'n llunio dyfodol cerddoriaeth yng Nghymru.

Wedi’i adeiladu ar 15 mlynedd o sylfeini cadarn sy’n cefnogi pobl ifanc sy’n dilyn gyrfaoedd yn y diwydiant cerddoriaeth, rydym wedi tyfu i fod yn sefydliad datblygu talent fwyaf blaenllaw yn y diwydiant cerddoriaeth yng Nghymru.

Nawr, wrth inni drosglwyddo i fod yn gwmni buddiant cymunedol cwbl annibynnol, rydym yn falch o sefyll ar ein telerau ein hunain — yn gryfach, yn fwy gwydn, ac yn fwy penderfynol nag erioed.

Rydym yn bodoli i rymuso pobl ifanc ledled Cymru, gan ddarparu mynediad at yr offer, y rhwydweithiau a’r cyfleoedd sydd eu hangen arnynt i ffynnu yn y sector cerddoriaeth. Mae ein gwaith wedi helpu i lansio gyrfaoedd, trawsnewid bywydau, a chreu eiliadau bythgofiadwy - o leisiau Cymreig ar lwyfannau byd-eang i enillwyr gwobrau arloesol a thraciau sain gemau fideo a glywir ledled y byd.

Mae’r cam nesaf hwn yn ein galluogi i adeiladu sefydliad mwy cynaliadwy ac amrywiol, gan sicrhau bod ein gwaith yn parhau i dyfu o ran cyrhaeddiad ac effaith. Gyda ffocws o’r newydd ar degwch, creadigrwydd, a chymuned, rydym wedi ymrwymo i ail-lunio dyfodol cerddoriaeth yng Nghymru — ei gwneud yn fwy cynhwysol, yn fwy cysylltiedig, ac yn fwy ysbrydoledig ar gyfer y genhedlaeth nesaf.

Mae hyn yn fwy na thrawsnewidiad. Mae'n ddatganiad o fwriad.

Ymunwch â ni.

CYFLEOEDD

EIN EFFAITH

CEFNOGWCH EIN GWAITH

EIN TÎM

Anastassia Svets

Swyddog Prosiect
Hi / Nhw

EIN TÎM

EIN LLYSGENHADWYR

Cate Le Bon

Artist & Cynhyrchydd

Cerddor o Benboyr, Cymru yw Cate Le Bon. Os yw hi'n cynhyrchu i eraill (St Vincent, Wilco, Horsegirl, H.Hawkline, Deerhunter); cydweithio â phobl fel Bradford Cox a John Cale; neu’n llywio ei cherddoriaeth ddadadeiladol ei hun, yr un yw ei dull o hyd: i gymryd y gerddoriaeth i ddarnau, dod o hyd i'r maen sy'n canu a'i adeiladu'n ôl o'r brig i lawr.

"Fel llysgennad i Beacons Cymru, rwy'n falch o gael y cyfle i rannu'r profiad a'r wybodaeth rydw i wedi'i chael o deithio, gwneud fy recordiau fy hun a chynhyrchu recordiau pobl eraill gyda cherddorion a chynhyrchwyr ifanc o Gymru."

Huw Stephens

Cyflwynydd Radio & Teledu

Mae Huw Stephens yn gyflwynydd radio gyda sioeau ar BBC Radio 6 Music, Radio Cymru a Radio Wales. Cydsefydlodd Gŵyl Sŵn a'r Wobr Gerddoriaeth Gymreig, a bu'n gweithio yn Glastonbury, Green Man a llawer o wyliau eraill. Enillodd ei raglen ddogfen Anorac ar y sin gerddoriaeth Gymraeg 5 Gwobr Bafta Cymru, ac mae ei lyfr Wales : 100 Records yn casglu 100 o recordiau diddorol o Gymru. Mae'n byw yng Nghaerdydd.

"Mae'n anrhydedd i mi fod yn llysgennad i Beacons Cymru, oherwydd mae'r gwaith y maent yn ei wneud gyda gwneuthurwyr cerddoriaeth yng Nghymru yn hollbwysig. Maent yn annog, yn ysbrydoli, yn rhoi cefnogaeth ymarferol ac yn helpu cerddorion ledled Cymru i wireddu eu potensial. Maent yn gweithio'n broffesiynol, gyda charedigrwydd, ac yn darparu cefnogaeth hanfodol i'r genhedlaeth nesaf o gerddorion."

Don Leisure

Artist, DJ & Cynhyrchydd

Mae Don Leisure yn gynhyrchydd o Gaerdydd sy'n adnabyddus am ei guriadau eclectig a'i synau sy'n gwthio ffiniau. Yn un o sylfaenwyr Darkhouse Family, mae wedi cydweithio ag artistiaid ledled y DU a thu hwnt, gan gyfuno hip-hop, jazz a dylanwadau byd-eang. Yn ystod y blynyddoedd diwethaf, mae Don wedi rhyddhau prosiectau unigol clodwiw gan gynnwys Shaboo Strikes Back a Tyrchu Sain — yr olaf mewn partneriaeth â’r label Cymreig chwedlonol Sain, gan asio samplau hiraethus o Gymru â chynhyrchiad blaengar.

"Mae Beacons Cymru yn rym mor bwysig ar gyfer cerddoriaeth newydd yng Nghymru. Mae'n anrhydedd wirioneddol i fod yn llysgennad, gan gefnogi'r genhedlaeth nesaf o artistiaid, cynhyrchwyr a phobl greadigol sy'n llunio'r dyfodol. Mae'r egni, creadigrwydd a thalent sy'n dod drwodd yn anhygoel, ac rwy'n falch o fod yn rhan ohono."

Lucas Woodland

Artist (Holding Absence)

Rwy'n gerddor o Dde Cymru, sy'n fwyaf adnabyddus fel prif leisydd ar gyfer Holding Absence! Dros y pymtheng mlynedd diwethaf, rwyf wedi cael y fraint o deithio’n helaeth o amgylch y byd a rhyddhau cerddoriaeth sydd wedi cael canmoliaeth fasnachol a beirniadol, a dim ond y llynedd enillodd ein band y Wobr Cerddoriaeth Drwm am “Artist Byw Gorau’r DU”. Yn y blynyddoedd diwethaf, rwyf wedi cael y fraint o chwarae gyda Funeral For A Friend - band a helpodd i siapio’r sîn y cefais fy magu ynddi, ac un yr wyf wedi’i hedmygu’n fawr ers blynyddoedd lawer. Rwy’n parhau i fod yn hynod falch o fy ngwreiddiau yn y gymuned gerddoriaeth Gymraeg ac yn teimlo’n gryf am gefnogi’r genhedlaeth nesaf o artistiaid.

“Mae’n anrhydedd cael bod yn llysgennad i Beacons Cymru! Mae meithrin ac ysbrydoli talent ifanc yn dod yn un o’r pethau agosaf at fy nghalon wrth i mi fynd yn hŷn... Wedi byw bywyd na chredais erioed oedd yn bosibl, rwyf am helpu i ddangos i gerddorion ifanc Cymreig y gall cerddoriaeth arwain at lwyddiant, cysylltiad, a chyfoethogiad personol – rwy’n credu mai Beacons Cymru yw’r cam cyntaf tuag hynny. Fel rhywun sy'n perfformio'n aml a fel cyn-aelod o'r prosiect Young Promoters Network, rwy'n ymwybodol o ba mor bwysig y gall y prosiectau hyn fod yn uniongyrchol, ac rwy’n ddiolchgar i fod yn rhan o’r fenter.”

Mirain Iwerydd

Cyflwynydd Teledu & Radio

Mae Mirain Iwerydd yn DJ radio a darlledwr Cymraeg ag angerdd am gerddoriaeth a phobl newydd, mae’n rhannu ei chariad bob nos Fercher ar BBC Radio Cymru, gan lwyfannu’r gorau o dalent gerddorol newydd Cymru. Mae cael siarad ag artistiaid newydd a sefydledig a rhannu eu cerddoriaeth yn debyg iawn i ddydd Nadolig, ond bob wythnos!

"Mae Beacons Cymru yn gwneud yn siŵr bod cerddorion ifanc, newydd a datblygol Cymru yn datblygu eu gyrfaoedd gan sicrhau bod ganddynt y wybodaeth a’r offer angenrheidiol i greu’r sylfeini cadarn sydd eu hangen i adeiladu gyrfa mewn cerddoriaeth yn y byd sydd ohoni. Rwyf wedi gweld â’m llygaid fy hun y gwaith mae Beacons Cymru yn ei wneud i gefnogi dyfodol cerddoriaeth Cymru ac mae’n hollol wych!"

Hana Lili

Artist

Cantores, cyfansoddwraig a chynhyrchydd roc indie Cymreig yw Hana Lili, sy’n adnabyddus am ei sain emosiynol a’i thelynegiaeth fewnblyg. Mae'n cael ei dylanwadu gan No Doubt, Deftones, a Refused, mae'n ysgrifennu cerddoriaeth fel ffurf o ddihangfa, gan asio egni amrwd â dyfnder melodig. Mae Hana wedi cefnogi artistiaid mawr gan gynnwys Coldplay ar eu taith Music of the Spheres, yn ogystal â Circa Waves a Tom Grennan. Mae hi wedi chwarae rhan mewn gŵyliau nodedig fel The Great Escape, Dot to Dot, a Live at Leeds, ac yn ddiweddar cwblhaodd ei thaith gyntaf yn y DU.

“Mae Beacons yn brosiect hynod o wych sydd gennym yma ni yma yng Nghymru. Mae'n ofod gwych ar gyfer datblygiad artist sydd wir yn eich helpu i ddarganfod eich hunaniaeth fel cerddor. Mae gallu mynd allan i chwarae sioeau, cwrdd ag artistiaid eraill, ac arbrofi'n greadigol - tra bod gennym rwydwaith cefnogol o'ch cwmpas - yn rhan mor hanfodol o ddarganfod pwy ydych chi. Rydym yn hynod o ffodus i gael gofod diogel, meithringar, ble mae modd tyfu a bod yn greadigol. Dw'i wedi dysgu gymaint yn ystod fy amser gyda Beacons, ac roedd y cyfnod yna'n rhan enfawr o fy nhaith fel artist.”