ENGLISH
Hyfforddiant Diwydiant Cerddoriaeth Llawr Gwlad
Abertawe | Casnewydd | Caerdydd
.jpg){kind=tracking}
Y Gronfa Birthplace
Cyflwynir gan Novo Amor & Beacons Cymru
Pwy ni'n chwilio am?
Ni'n chwilio am bobl ifanc brwdfrydig sy'n caru cerddoriaeth ac eisiau'r cyfle i ddysgu sgiliau newydd ac ehangu ar rhwydwaith yn y diwydiant cerddoriaeth.
-
Rhwng 18-30 oed
-
Wedi'ch lleoli naill ai yng Nghaerdydd, Casnewydd neu Abertawe
-
Diddordeb yn y diwydiant cerddoriaeth ac awydd i ddysgu
-
Argaeledd i fynychu sesiynau ar-lein misol, gweithdai wyneb yn wyneb a sifftiau cysgodi yn eich ardal
-
Dyddiadau allweddol: dydd Llun cyntaf ac olaf y mis ar gyfer cyfarfod wyneb yn wyneb ac ar-lein
Dyddiad cychwyn: Llun 21ain Medi 2026 - Dyddiad Gorffen: Llun 29ain Mawrth 2027
Awydd gwneud cais? Ewch amdani! Os bod gennych chi unrhyw gwestiynau neu anghenion hygyrchedd? Cysylltwch â ni, ni yma i helpu hello@beacons.cymru
Ni'n hapus iawn i dderbyn ceisiadau fideo neu sain. Er mwyn cyflwyno cais fideo neu sain, anfonwch drwy e-bost at hello@beacons.cymru
Wyt ti rhwng 18-30 oed, â diddordeb mewn gweithio tu ôl i'r llen yn y diwydiant cerddoriaeth yng Nghymru ac wedi'ch lleoli yng Nghaerdydd, Casnewydd neu Abertawe? Ni'n lansio rhaglen newydd sy'n rhan o'n Aelodaeth: Rhaglen Hyfforddiant Diwydiant Cerddoriaeth Llawr Gwlad pwrpasol, chwe mis wedi'i chynllunio i gefnogi a datblygu'r genhedlaeth nesaf o weithwyr proffesiynol yn y diwydiant cerddoriaeth yng Nghymru.
Bydd y rhaglen hon yn rhoi'r sgiliau ymarferol, yr hyder a'r profiad yn y diwydiant sydd eu hangen ar unigolion i symud ymlaen i gyflogaeth gynaliadwy o fewn y sector cerddoriaeth fyw a diwydiannau creadigol ehangach.
Ni'n gweithio ar y gyda gyda Clwb Ifor Bach (Caerdydd), Le Pub a'r Corn Exchange (Casnewydd) a'r Bunkhouse (Abertawe) i gynnig gweithdai, hyfforddiant ar-lein a dosbarthiadau meistr pwrpasol.
Hyfforddiant Diwydiant Cerddoriaeth Llawr Gwlad
YDW I’N GYMWYS?
BETH NI’N CHWILIO AM?
BETH YW’R YMRWYMIAD?
Rhaid i chi fod yn 18–30 oed ac yn byw yn ardaloedd awdurdod lleol Caerdydd, Casnewydd neu Abertawe. Dylech fod â diddordeb mewn cerddoriaeth a gyrfaoedd creadigol.
Nid oes angen unrhyw brofiad blaenorol yn y diwydiant.
Rydym yn chwilio am bobl chwilfrydig, llawn cymhelliant a brwdfrydedd sydd eisiau datblygu sgiliau newydd, meithrin hyder, cwrdd â gweithwyr proffesiynol yn y diwydiant ac archwilio cyfleoedd y tu ôl i’r llenni mewn cerddoriaeth.
Mae’r rhaglen yn rhedeg am 6 mis, gan gyfuno sesiynau ar-lein, gweithdai wyneb i wyneb, mentora, cysgodi a mynediad at gyfleoedd â thâl yn y diwydiant. Bydd angen i chi ymrwymo i sesiynau a chyfleoedd yn rheolaidd yn eich ardal leol.
GWYBODAETH PELLACH
made possible through the support of
