CYFLE I YMUNO Â’N BWRDD

 

Ydych chi'n angerddol am helpu pobl ifanc i wireddu eu potensial trwy gerddoriaeth?

 

Byddwch yn rhan o dîm cyffrous a gweledigaethol fel Cyfarwyddwr Beacons Cymru, gan dywys un o brif sefydliadau diwydiant cerddoriaeth Cymru i mewn i’w bennod nesaf gyffrous.

 

Fel Cyfarwyddwr, byddwch yn chwarae rhan ganolog wrth lunio dyfodol Beacons Cymru. Bydd eich arweiniad a'ch cefnogaeth yn ein helpu i greu cyfleoedd ystyrlon i bobl ifanc, gan ddefnyddio cerddoriaeth fel arf ar gyfer twf, cysylltiad, a newid cadarnhaol. Gyda’n gilydd, gallwn ysbrydoli’r genhedlaeth nesaf a chryfhau ein cred yng ngallu cerddoriaeth i drawsnewid bywydau a chymunedau.

 

Rydym yn croesawu’n gynnes unigolion sydd ag arbenigedd mewn amryw o feysydd gwahanol, ond rydym yn awyddus i ffeindio cyfarwyddwyr gydag arbenigedd yn y meysydd canlynol:

 

Codi Arian a Chynhyrchu Incwm: gwybodaeth/profiad o ddatblygu a gweithredu strategaethau codi arian llwyddiannus, cysylltu mentrau creadigol â ffynonellau cyllid, sicrhau cymorth ariannol i sefydliadau celfyddydol, prosiectau ac unigolion

 

AD a Rheoli Personél: gwybodaeth/profiad o reoli a chefnogi gwahanol agweddau ar gysylltiadau gweithwyr, recriwtio a pholisïau gweithle o fewn sefydliad.

 

Mae hwn yn gyfle gwych i’r person iawn weithio’n agos gyda’r sefydliad unigryw hwn a datblygu model busnes newydd cynaliadwy ac arloesol ar gyfer y dyfodol. Rydym yn chwilio am ymgeiswyr sy’n rhannu brwdfrydedd a chefnogaeth i nodau Beacons Cymru, cred yng ngrym cerddoriaeth i drawsnewid a chyfoethogi bywydau pobl, ac ymrwymiad amlwg i gydraddoldeb, amrywiaeth, cynhwysiant ac ehangu mynediad.

 

Mae Beacons Cymru wedi ymrwymo i Gydraddoldeb, Amrywiaeth a Chynhwysiant, ac mae’n hanfodol bod y Bwrdd yn adlewyrchu amrywiaeth ein cenedl ac yn cwmpasu ystod eang o safbwyntiau a phrofiadau. Felly, rydym yn awyddus i dderbyn datganiadau o ddiddordeb gan unigolion sy’n cael eu tangynrychioli neu sydd wedi wynebu cael eu hallgáu o’r diwydiant celfyddydau neu gerddoriaeth.
 

Sut i Wneud Cais
 

E-bostiwch eich CV a datganiad o ddiddordeb un dudalen A4 i: hello@beacons.cymru

E-bost ymholiadau: hello@beacons.cymru